Шелек электр тораптар ауданының ұжымы участкелік тарату желісінің шебері Ансаров Магаметжан Тохтахунұлын зейнет жасына жетуімен салтанатты түрде құттықтап, шығарып салды

Магаметжан Тохтахунұлы еңбек жолын 1982 жылы электрмонтер қызметінен бастаған.

Магаметжан Тохтахунұлы негізгі өндірістік операциялармен бірге машинаға техникалық қызмет көрсетумен, Шелек ЭТА бойынша барлық дәнекерлеу жұмыстарын орындап отырған.

Жұмыстарды жүргізу кезінде бастамашылық көрсете білген, тәжірибесі мол зейнеткер жас мамандарды еңбекке баулып, білімдерін көтеріп, практика жүзінде де шыңдауға көп уақытын бөліп келген. Ұжым арасында үлкен құрмет пен беделге ие ардагерді әріптестері нағыз жолдас, өз ісінің шебері ретінде біледі. Жинақылығын және жұмысқа қабілеттілігінің жоғары деңгейін, жеке басының адалдығын және тапсырылған іске жауаптылығын ерекше құрметтеген ұжым ардагерге электронды мопетті сыйға тартты.