"Самұрық-Энерго" АҚ Басқарма Төрағасы Қайрат Мақсұтов "Алатау Жарық Компаниясы" АҚ жұмыс сапарымен келді

Кездесу барысында алдағы жылдарға арналған жоспарлар талқыланып, ағымдағы жылы компанияның еңгізген жаңашылдықтарымен танысты. Сонымен қатар, компанияның өнерлі әріптестерінің жетістіктеріне де көңіл бөлініп, қол күрестен екі дүркін әлем чемпионы атанған Индира Байжанованы жеңісімен құттықтады.

Еңбек қауіпсіздігіне айрықша көңіл бөлетін компания ұжымы заманауи қондырғыларды пайдалануда.

Атап айтар болсақ кабельдердегі кернеуді қашықтықтан тексеріп, кесуге мүмкіндік беретін гидравликалық құрылғы; жоғары вольтты желілерде жұмыс істегенде жұмысшыларды электр доғаларынан қорғайтын арнайы костюмдер мен тікелей эфир режимінде жұмысшылардың іс-әрекеттерін қадағалап отыратын камераларды қолданысқа енгізуде. Бұл құрылғылар жұмысшылардың еңбек қауіпсіздіктерін арттырып, жарақаттанбаудың алдын алуға ұйымдастырылған сапалы жаңа тәсілі.