“Алатау Жарық Компаниясы” АҚ ұжымы Ұлттық киім күнін атап өтті

“Алатау Жарық Компаниясы” АҚ ұжымы Наурызнама онкүндігі шеңберінде Ұлттық киім күні мерекесін атап өтті.

Ұлттық құндылықтарды дәріптеуге бағытталған бұл күні компания қызметкерлері қазақ халқының дәстүрлі ұлттық киімдерін киіп, ата-бабадан мирас болып келе жатқан салт-дәстүр мен мәдени мұраға деген құрметін білдірді. Әсем ою-өрнекпен көмкерілген ұлттық киімдер ұжымға ерекше сән беріп, мерекелік көңіл-күй қалыптастырды.

Осындай тағылымды шаралар ұлттық болмысты насихаттап, төл мәдениетімізге деген құрметті арттыруға, сондай-ақ ұжым арасында бірлік пен рухани құндылықтарды нығайтуға ықпал етеді.